ভঙাগড়ত সেই গড়
আৰু পাবলৈ
নাই
আছে মাথো চঞ্চলা, যৌৱনা
এজনী আজলী উৰণীয়া দলং !
কাহিলীপুৱাতেই ভঙাগড়লৈ নাযাবা
তাই তেতিয়াও শুয়েই থাকে ৷
ক’ৰবাৰ পৰা এজাক কিৰীলি গোট খাই
পুৱাই আহি তাইক আমনি কৰে
চুলিৰ আগলৈকে উজাই অহা খংটো
কোনোমতেহে তাই সাৱটি
ৰাখে ৷
তাই বুজে
সিহঁতবোৰৰনো কি দোষ ?
খিকিন্দালিৰ চোলাটোৰ তলত
বেদনাৰ অন্তৰ্ৱাস পিন্ধি
জাকে জাকে পিট্ পিটাই ফুৰে,
চিকাৰী চাৱনিৰে উচ্
পিচাই বিচাৰে
চৰুৰ তললৈ জুই নিব পৰা
এটা নিজান নিমাওমাও সপোন ৷
-টুৱাৰাম দত্ত
গুৱাহাটী ০৩ / ১১ / ২০১২
tuwaramdutta@gmail.com
No comments:
Post a Comment