ৰাইজৰ চেনেহত অনেক জোৰ ….(কৱিতা)

(দৈনিক গণ অধিকাৰ কাকতত ১৪-১১-২০১২ তাৰিখে প্ৰকাশিত )

 (ড:মামণি ৰয়ছম গোস্বামীৰ সোঁৱৰনত )

ঠৰঙা লগা তেজোবেলিৰ বিয়লিটোত                        

কালিকালগা কাতিমহীয়া  বতৰা এটা

উৰি আহিছিল

চেঙালুটি খাই হিয়াখন বিদাৰি

যাতনা এটা চিটিকি পৰিছিল,

জেওৰা খনত আঁউজি

ৰৈ আছিল এটা বিষাদ ৷

ফুৰফুৰাই বগুৱা বাই অহা

উকিটো খেজুৰ গছৰ হুল এডাল হৈ

এই বুকুৰ ভিতৰলৈ সোমাই গ’ল

“দৌতাহঁতঅ’ গৰখীয়া দলৰ শপত

শুকনী দৰৱ মোৰ বণিজৰ টোপোলাত নাই

সময়ৰ স’তে সাঁতুৰি-নাদুৰি

এই যে তেওঁ সিপাৰ হ’ল

তেওঁৰনো অভাৱটো কিহৰ ?

ৰাইজখন আছে আৰু আছে মাটিত

বাগৰি বাগৰি এহালিছা চেনেহৰ সপোন ৷

ৰাইজৰ চেনেহত অনেক জোৰ ৷

-টুৱাৰাম দত্ত

গুৱাহাটী      ১১ / ১১ / ২০১২

tuwaramdutta@gmail.com