পানবজাৰৰ “ মম্ তৰা অপ্টিকেলছ ” ৷ ডাক্তৰ বৰুৱা বহুদিনৰ চিনাকী ৷ চকুৰ অসুখৰ ক্ষেত্ৰত তেওঁৰ এটা বিশেষ সুনাম আছে ৷ শাহু আইৰ চকুৰ অসুখ ৷ পত্নী, শাহু আইক লগত লৈ এদিন ওলালোগৈ ৷ নিৰ্দিষ্ট সময়ত আমাৰ পাল পৰাত পত্নীৰ সৈতে শাহু আই ডাক্তৰৰ চেম্বাৰত প্ৰৱেশ কৰিলে ৷ মই মম্ তৰাৰ বাহিৰৰ কোঠাটোতে বহি থাকিলো ৷ মম্ তৰাৰ বাহিৰৰ কোঠাটো চালে চকু ৰোৱা ৷ তাতে বিভিন্ন ধৰনৰ লেন্স আৰু ছশমা সজাই থোৱা থাকে ৷ বহা আসনবোৰো যথেষ্ট আৰামদায়ক আৰু শুৱনি ৷ মোৰ কাষতে বিদেশিনী মেম্ এগৰাকী আৰু অন্যান্য চকুৰ ৰোগী অথৱা ছশমাৰ গ্ৰাহক ৷ আমি বহাৰ পাঁচ মিণিটমান নহলেই ; ল’ৰা এজন আহি বহি থকা সকলোকে প্লাষ্টিকৰ ডিচ্প’জেবল গ্লাচত একাপ একাপ গৰম চাহ দি গ’লহি ৷ মনটো বেচ্ ভাল লাগি গ’ল ৷ এবাৰত প্ৰায় সকলোৰে চাহ খাই শেষ হ’ল ৷ ল’ৰাজনে আহি সকলোৰে গ্লাচবোৰ এটা এটাকৈ গোটালেহি আৰু একোবত বাহিৰলৈ দিলে দলিমাৰি ৷ গ্লাচবোৰ ফুট্-পাথ, ৰাষ্টাত সিঁচৰিত হৈ পৰিল ৷ বিদেশিনী মেম্ গৰাকী চিৎকাৰ কৰি উঠিল ৷ ভঙা ভঙা হিন্দী-ইংৰাজী মিহলিৰে সুধিলে – ডাষ্ট বিন্ নাইনেকি ? লাজ লাজ ভাৱেৰে ল’ৰাজনে উত্তৰ দিলে-“ নাই একো নহয় ৷ আমাৰ ইয়াত এনেকৈয়ে চলে ৷”
-হোৱাট ? অ’হ মাই গড !
বিদেশিনী মেম্ গৰাকীয়ে তেওঁলোকক এযোৰ ছশমা পৰীক্ষা কৰিবলৈ দিছিলে ৷ প্ৰথমে
তেখেতে সেইযোৰ উলুবাৰীৰ ওচৰৰ বেলেগ এখন দোকানত তৈয়াৰ কৰিবলৈ দিছিল ৷ কিন্তু কিবা
এটা সন্দেহ হোৱাত আক্ তাক্ সুধি সুধি মম্ তৰা পালেহি ৷ ছশমা বা লেন্স আদিৰ
ক্ষেত্ৰত “মম্ তৰা অপ্টিকেলছ”-ৰ এটা পুৰণা চিনাকী আছে ৷ সেয়া প্ৰায় সকলো গুৱাহাটী বাসীৰে জ্ঞাত ৷ মম্ তৰা ৰ
টেক্-নিছিয়ান জনে নিৰ্দিষ্ট যন্ত্ৰত
ছশমাযোৰ পৰীক্ষা কৰি ছিঞৰি উঠিল ৷ “- সৰ্বনাশ ! আপোনাৰ সোঁ চকুৰ লেন্স
খন ওলোটা-ওভোটা কৰি ফিট্ কৰা আছে ৷ মানে
ওপৰৰ খন তলত আৰু তলৰ খন ওপৰত ৷ বিদেশিনী মেম্ গৰাকী পুনৰ চিৎকাৰ কৰি উঠিল ৷
-হোৱাট ? অ’হ মাই গড !
কাম শেষ হ’ল ৷ আমি উভতিলো ৷ গাড়ীখন ঘূৰাবলৈ
লৈ দেখো ক’ৰবাৰ পৰা চেমনীয়া এজন দৌৰি আহিল
৷
“-দাদা
পাৰ্কিং টো দিব ৷” আৰে তোমালোকে পিছত যে পাৰ্কিং
লোৱা ; আগত নোলোৱা কিয় ? মানে কেনেবাকৈ গাড়ীখন নাইকিয়া হ’লে কোনো দায়িত্ব নাথাকে ৷ নে কি ?
-
নাই মানে……৷
-
হোৱা লোৱা কিমান ?
-
বিশ টকা ৷ এয়া ৰচিদ লওঁক ৷
পৌৰ নিগমৰ আশীৰ্বাদত ৰাষ্টাত স্ট্ৰীট্ লাইট নাই ৷ সৰ্বত্ৰ
আন্ধাৰ ৷ কোনোমতে ঘৰ সোমালোহি ৷ চোলাটো সোলোকাবলৈ লওঁতে হঠাতে জেপৰ পৰা ৰচিদ খন
সৰি পৰিল ৷ “-ই কি এইখন দেখোন দহ টকাৰ ৰচিদহে ?”
-হোৱাট ? অ’হ মাই গড !
-টুৱাৰাম দত্ত
ৰাজগড় ৰোড , গুৱাহাটী
২৪ / ১১ / ২০১২
No comments:
Post a Comment